2 Responses

1. Henry B. Caneo

   November 24th, 2008 at 8:24 am

   1

   Senate of the Philippines

   Senator Manny Villar

   Manila, Philippines

   Dear Sir,

   Magandang umaga po. Ako po ay si Henry B. Caneo at isang OFW. Lumiham po ako

   sa inyo upang humingi ng tulong. Taong 2007 ng ako po ay muling nagbalik dito sa

   Pilipinas ngunit di po naging maganda ang naging karanasan ko sa ibang bansa, pero

   tiniis ko po ito sa kagustuhan kong mairaos ko ang aking pamilya sa pang araw-araw

   nilang pangangailangan. Kailan lang po ay muli po akong nag apply upang

   makapangibang bayan duon sa gitnang silangan at pinalad po akong mapili ng aming

   employer (NAGGI-KSA). Subalit kinakailangan ko pong magbayad sa ahensya ng

   P5,000 para sa processing fee at P55,000 para naman po sa placement fee. Di ko po

   alam kung saan po ako kukuha ng ganung kalaking halaga, kaya naman po ako

   lumalapit sa inyong tanggapan at naninikluhod, na sana po ako ay iyong tulungan upang

   sa muli ay maihango ko sa kahirapan ang aking mga mahal sa buhay. Naka handa po

   akong bayaran ang naturang halaga sa panahong ako po ay nakaka pag trabaho na sa

   gitnang silangan.

   Umaasa po ako na inyo pong tutugunin ang liham kong ito. Salamat po at pagpalain po

   kayo lagi ng puong may-kapal.

   Lubos na Gumagalang,

   Henry B. Caneo

2. jay

   November 24th, 2008 at 6:49 pm

   2

   Good Day!

   Kaya po ako sumulat sa inyo para ibatid, ang ilang hinanain ng mga mahal nating commuters. At isa na po ako doon, maaaring hindi lamang ako ang nakakapansin ng ganitong maaaring maliit na suliranin, o kaya sa iba ay malaki-laki na rin po, lalo po higit sa mga walang trabaho.

   Ito po ay hinggil sa pag rollback po ng pasahe kailan lang. At kahit maliit lang ay malaking tulong na po sa sambayanan. At alam naman po namin na makatarungan ito, dahiul bumaba naman ang krudo at gasolina. Masaya na po sana kami dahil bumaba na ang pasahe, yun nga lang po hindi ito sinusunod ng ilan po nting operators, drivers at konduktor, hindi lamang po isa… kundi halos lahat. Partikular po sa aming lugar halimbawa ay ang DELA ROSA TRANSIT, na byaheng Novaliches- Malinta Exit hanggang Pacita Laguna. Imbes na sundin ang sinabi ng gobyerno na ibaba. Nagtaas pa po sila. Hindi po ako masyadong apektado dahil may trabaho ako, un nga lang po iniisip ko po ang kapakanan ng iba

   Magbibigay po ako ng halimbawa.

   Araw araw po akong bumabyahe, patungong Caybiga sa Caloocan City, patungong Munoz sa Quezon City, dati rati ang pasahe po ay 14.00 sa ordinaryo at 17.00 sa Aircon, dahil po sa pagtas po ng pasahe nung mga nakaraang buwan, tumaas po ito ng 17.00 ordinary at 24.00 Aircon, okay lang po yun kasi na naiintindihan namin na nagbigay ng taas pasahe at FARE MATRIX ang LTFRB, karagdagang piso po kada 4 na kilometro at mag-dadagdag pa pag lumayo pa.

   Ngayong bumaba ng ng piso kada pasahe ngayon, hindi na po nila ito binibigyang halaga. At ang masama, nagbaba sila nung unang araw ng piso, kaso kahit anong layo mo piso lang ang binanaba. Ibig sabihin hindi na nila binalik ang dating pasahe. At ang MASAMA nung mga ilang araw, nagtaas pa sila ng kada piso. ngayon ang pasahe na ay 18.00 sa ordinaryo at 25.00 na sa aircon. Ano na pong silbi ng rollback sa pasahe? Wala naman pong inutos ang LTFRB sa pagkakaalam ko na magtaas sila ngayong buwan. At nagrereklamo pa ang mga sektor na ito na ibaba ang krudo, eh hindi naman nila pinapasa sa mga commuter. Kung ako ang tatanungin wag na lang ibaba ang gasolina kung ganyan din ang sistema.

   Sana po may mag-imbistiga po sa mga bagay na ito, at alam ko pong hindi lang DELA ROSA TRANSIT lang ang gumawa nito. Pati ang mga byaheng Novaliches- Sta Cruz din

   Nakakalungkot lang na , dapat tayong mga Filipino ang magtulungan, pero tayo po ang nagpapahirapan. Wala ng pag-asang umasenso ang Pilipinas dahil sa maliit na bagay na ganito ay may corruption o pagpapahirap ng nagaganap.

   Maraming salamat po sa pagbasa ng liham ko po